Trajneri i ri i Liverpoolit, Jurgen Klopp, ka debutuar në Anfield Road, duke barazuar 1 me 1 me Rubin Kazanin në kuadër të Ligës së Evropës.
Pas barazimit pa gola me Tottenham Hotspur në Premier Ligë, trajneri gjerman nuk ka gjetur fitoren e parë në karrierë me Liverpoolin pasi Rubin Kazan u tregua shumë e fortë për ekipin e tij.
Anglezët u befasuan nga rusët në minutën e 15 kur Marko Deviq realizoi për 1 me 0.
Kjo epërsi e rusëve zgjati deri në minutën e 37 kur gjermani Emre Can barazoi rezultatin që ishte edhe përfundimtari në këtë takim.
Me këtë barazim Liverpooli pozicionohet në vendin e dytë me 3 pikë nga tre takime të zhvilluara në Ligën e Evropës.
