Kupa e Shqipërisë përcaktoi kalendarin e saj për edicionin e sivjetshëm teksa do të nisë rrugëtimin me datë 16 Shtator me ndeshjet e Turit të Parë eliminator. Kampionët në fuqi të Laçit, do të kenë një short të vështirë në Grupin A, ku do të luajnë me Besën me datë 16-të në Kavajë dhe dy javë më pas më 30 Shtator do të përballen në Laç. Kampionët e Shqipërisë të Skënderbeut do të përballen me Tomorin. Në Grupin A gjithashtu bën pjesë dhe Partizani që do të ndeshet me Korabin e Peshkopisë. Fati e do që të kuqtë, nëse kalojnë fituesin e ciftit Luftëtari-Lushnja, në cerekfinale mund të gjejnë përballë Laçin, që në raundin e 1/8 do të ndeshet nga ana e tij me fituesin e Dinamo-Bylis.

Ndërkohë në Grupin B, spikat përballja e Tiranës me Erzenin, por dhe Naftëtari-Kukësi, ndërsa Flamurtari do të luajë me Gramshin, kurse Teuta me Adën. Në këtë Grup Tirana dhe Kukësi është e sigurtë që nuk do të kenë përballje të mundshme mes tyre përpara sfidave gjysmëfinale, ku ekipet që do të përballen me njëra-tjetrën do të kenë short të lirë. Shorti i plotë i Kupës së Shqipërisë propozon gjithashtu në Grupin A çiftet, Pogradeci-Vllaznia, Shkumbini-Apolonia dhe Sopoti-Butrinti, ndërsa në Grupin B, Kamza Elbasani, Burreli-Tërbuni, Kastrioti-Beslidhja dhe Iliria-Adriatiku. Finalja e madhe e Kupës do të luhet ndërkohë me datë 25 Maj 2016.

Turi i Parë Eliminator (1/16)

Data 16.09.2015 deri më 30.09.2015

Grupi A                                                            Grupi B

Tomori-Skenderbeu (A1)                      Naftetari-Kukesi (B1)

Korabi-Partizani (A2)                            Erzeni-Tirana (B2)

Besa-Laci (A3)                                        Gramshi-Flamurtari (B3)

Pogradeci-Vllaznia (A4)                        Ada-Teuta (B4)

Shkumbini-Apolonia (A5)                    Kamza-Elbasani (B5)

Dinamo-Bylis (A6)                                Burreli-Terbuni (B6)

Luftetari-Lushnja (A7)                        Kastrioti-Beslidhja (B7)

Sopoti-Butrinti (A8)                             Iliria- Adriatik Mamurrasi (B8)

 

Turi i Dytë Eliminator (1/8)

Data 21.10.2015 deri me 04.11.2015

Ekipet e kualifikuara në fazën e dytë eliminatore, do të luajnë ndeshjet me sistem vajtje-ardhje sipas skemës së mëposhtme:

Grupi A                                             Grupi B

A8 – A1 (C1)                                     B8 – B1 (T1)

A7 – A2 (C2)                                     B7 – B2 (T2)

A6 – A3 (C3)                                     B6 – B3 (T3)

A5 – A4 (C4)                                     B5 – B4 (T4)

Turi i Tretë Eliminator (1/4)

Data 03.02.2016 deri me 17.02.2016

Ekipet e kualifikuara në fazen e tretë eliminatore, do të luajnë ndeshjet me sistem vajtje-ardhje sipas skemës së mëposhtme:

Grupi A                                            Grupi B

C4 – C1                                           T4 – T1

C3 – C2                                           T3 – T2

Turi i katërt Eliminator (1/2 Finale)

Data 06.04.2016 deri me  20.04.2016

Për përcaktimin e çifteve gjysmëfinaliste hidhet short i lirë ndërmjet 4 ekipeve të kualifikuara në këtë tur.

F I N A L J A

Data 25.05.2016