Kompania Benita, e angazhuar në realizimin e punimeve në rrugën nacionale Prishtinë–Pejë, ka publikuar pamjet se si pritet të duket projekti i një prej urave kyçe të rrugës, pas përfundimit të punimeve.

Sipas njoftimit të kompanisë, ura e re do të shërbejë si një lidhje e rëndësishme infrastrukturore për fshatrat Zajm, Grabanicë dhe Bokshiq, shkruan IndeksOnline.

Pamjet e prezantuara tregojnë një projekt modern dhe funksional, i cili synon të rrisë sigurinë dhe efikasitetin në komunikacion në këtë segment të rëndësishëm rrugor.

Nga kompania bëhet e ditur se imazhet e publikuara janë krijuar me ndihmën e inteligjencës artificiale dhe paraqesin vizionin përfundimtar të projektit.

Punimet në këtë pjesë të rrugës nacionale Prishtinë–Pejë janë duke vazhduar sipas planit.