Këshilltari i zëvendëskryeministrit Hashim Thaçi, Ismail Syla, ka hedhur akuza të rënda për publicistin dhe analistin Halil Matoshi. Matoshi ka kërkuar që Thaçi të japë dorëheqje për shkak të dështimit të sotëm në UNESCO.
Këtë, ai e ka bërë nëpërmjet një statusi në Facebook.
Ja mesazhi i plotë i Sylës në Facebook:
Halil Matoshi nuk thonë kot se është njeri i çudishëm. Ai merr një vit rrogë mijëra eurosh nga Pacolli, dhe një vit kthehet dhe e ofendon. Një vit e përkrah Albin Kurtin si shpëtimtar të kombit dhe vitin tjetër e quan fashist. Një vit e përqafon Hashim Thaçin, e vitin tjetër s’e lëshon prej goje për të keq. Një vit mallkonte për tradhti Ibrahim Rugovën, vitin tjeter gjen ngrohtësi tek gjiri qeveritar Mustafa – Thaçi, ku sot merr rrogë prej tyre, si anëtar i një bordi. Me herët Veton Surroin e denonconte publikisht per incest familjar, sot merr rrogë e paguhet nga Flaka. Dje akuzonte Ramushin per haraq e reket, e sot thonë e çel mëngjesi me raki me përkrahës të tij. Dje akuzonte Jakupin Krasniqin si Haxhi Lleshi i byrosë politike, sot e quan reformator. Prandaj vështirë të kuptohet se prej çfarë gjendjeje, dehur a esëll, jep propozime publike.
Ky reagim i Sylës, vjen pas një shkrimi të Matoshit, ku ai kërkonte dorëheqjen e Thaçit, për shkak të dështimit të sotëm në UNESCO.
Ja çka shkruante Matoshi:
Spari fajtor jemi vet, lidershipi i Kosoves qe dje, (2004) nuk i ndali kinsepatriotat truthare dhe kriminele kur iu versulen kishave ortodokse serbe;
Sot, fajtor asht vetem lidershipi qe deshtoi t’i bind edhe disa vende liberale pse Kosova duhej me u ba anetare e UNESCO-s – per arsye shkollimi e qytetnimi – qe ne mase te madhe i mungon!?
Sot Hashim Thaci duhet me dhane doreheqje – ai asht fajtori i pare – ai qe verdallosej me analfabetin Behgjet Pacolli, i cili as Kazakistanin e tij nuk e bindi ne favor te Kosoves.
Prandej sot para popullit te Kosoves duhet me u sqarue ata qe me 2004 e perdorshin edhe RTK-ne me kall kisha te krishtera!
Te jemi shnosh, kur te mblidhet serish Asambleja e Pergjithshme!
