Kosova nuk ka resurse të mëdha mbi të cilat mund ta mbështesim tërë ekonominë e vendit. Importi është pjesë e domosdoshme e zhvillimit ekonomik ka thënë deputeti Ramiz Kelmendi në Rubikon të KTV-së.
Po ashtu, ai ka thënë se brenda vitit do të hapë shtatë fabrika ku parasheh të punësojë rreth 1400 – 1500 punëtorë, numër ky që mendon ta arrijë deri në vitin 2022, transmeton Koha.net.
“Peshku i madh e han të voglin ndërsa i shpejti e ha të ngadalshmin”, ka thënë Kelmendi.
Krahasuar me numrin e banorëve Elkos Group është firma më e madhe ka thënë Kelmendi duke përfshirë 2500 deri 3000 punëtorë, nga të cilit 500 prej tyre janë sezonalë.
Ai ka thënë se biznesin e tij do ta shiste vetëm në rast se do t’i duhej të zgjidhje në mes të likuidimit dhe shitje.
Kelmendi: Në Amerikë do t’i bëja 400 miliardë dollarë qarkullim në vit
Amerika nuk shihet si sfidë e madhe apo e paarritshme për deputetin dhe biznesmenin Kelmendi.
“Në Amerikë do t’i bëja 400 miliardë dollarë qarkullim në vit”, ka thënë ai duke shtuar se i rrezikon prodhuesit jashtë Kosovës, jo ata brenda.
Ai ka folur edhe për kostumet e tij të cilat nuk i blen asnjëherë më shumë se 100 euro pasi i blen në burim dhe kësisoj kursen një pjesë të konsiderueshme të parave.
