Ibrahim Kelmendi, aktivist i njohur i Lëvizjes Popullore të Kosovës ka thënë se më në fund populli e kuptoi se Azem Syla kurrë nuk ka qenë komandant e UCK’së por vetëm një komandant i Çagllavicës.
Sipas tij kurrë nuk është vonë të demaskohet njeriu, e diçka e tillë i ndodhi shumë vite pas luftës Sylës.
Ky është reagimi i plotë i Kelmendit:
AZEM SYLA – “komandant i UÇK-së”
OSE
“komandant i Çagllavicës” (?)
• Sidomos pjesëtarët e devotshëm të UÇK-së nuk duhet të ndihen të turpëruar, pse njëri nga krye-komplotistët e UÇK-së, Azem Syla, tashmë u demaskua, se nuk ishte asnjëherë komandant i UÇK-së, por na paskësh qenë një “komandant i Çagllavicës”.
• Në ndërkohë po zbulohen e konkretizohen fakte të reja që po e demaskojnë këtë komplotist të UÇK-së. Ata që dinë fakte të reja nuk duhet të heshtin, duke menduar se po e komprometojnë UÇK-në. Përkundrazi, duke i demaskuar ne vetë komplotistët “tanë”, e fisnikërojmë edhe më shumë UÇK-në madhështore të Heronjve Adem e Hamzë Jashari, Zahir Pajaziti, Adrian Krasniqi, Luan Haradinaj, Ilir Konushevci, Fehmi Lladrovci, Ismet Asllanit, Ilaz Kodra, Bekim Berisha, Xhemajl Fetahu…
• Përse duhet të hesht Shukri Buja që ka urdhëruar policinë ushtarake të UÇK-së për ta arrestuar gjatë Lufte marionetën e Serbisë, Fahrudin Gashin (“farukun”), i cili paskësh qenë kolegë i komplotistit Azem Syla, dhe Azem Syla e ka urdhëruar ta liron;
• U dashen 18 vjet që Metush Zenuni të thyej heshtjen, për na informuar që Azem Syla e ka fut informatorin e Serbisë, “farukun”, në mesin e 64 ushtarëve të UÇK-së, që po futeshin nga Shqipëria në Kosovë, më 06.06.1998…
• Komandantët e zonave të UÇK-së, do të duhej të informojnë, se Azem Syla nuk u ka dhënë mjete financiare të Fondit Vendlindja thërret gjatë viteve 1994-1999, edhe pse ai dhe Xhavit Haliti ka fut në kthetrat e tyre rreth 70 % të mjeteve të Fondit.
• Nait Hasani, Rexhep Selimi, Sokol Bashota…, do të duhej tashmë të informonin, sa mjete financiare ua ka dorëzuar “komandant” Azem Syla gjatë viteve 1994-1998.
• Tashmë, a ka ndonjë bir nëne ose dobiç kurve që mund të dëshmon se ndonjë strukturë kompetente e ka zgjedh ose emëruar Azem Sylën komandant i çfarëdo niveli në UÇK.
