Isa Mustafa, Hashim Thaçi, Visar Ymeri, Ramush Haradinaj e Fatmir Limaj do të mund të ulen në një tryezë së bashku për të diskutuar dhe debatuar për zhvillimet e fundit dhe veprimet që priten të ndodhin në javët e ardhshme në skenën politike në vend. Krerët e partive të mëdha të pozitës dhe ata të opozitës pritet ti bashkojë KDI’ja në tryezën që është paraparë të mbahet në ditën në vijim.
Deputetët e partisë së Visar Ymerit, Ramush Haradinajt dhe Fatmir Limajt e gjuajtën me ve Kryeministrin Isa Mustafa dhe zëvendësin e tij Hashim Thaçin ndërsa, me muaj të tërë, seancat e kuvendit i bllokuan me gaz lotsjellës.
Por këta liderë asnjëherë deri me tash nuk janë ulur për të biseduar së bashku për të gjetur zgjidhje, edhe pse thirrje për diçka të tillë bënë vazhdimisht të dyja anët.
