Më se 100 pjesëmarrës janë veshur me kostume ekscentrike, vunë kapela dhe stoli, që të nisen drejt Blackpoolit të Anglisë ku u zhvillua për të katërtën herë, bienalja e kampionatit britanik për mjekra dhe mustaqe.

Organizimi që ka qëllim mbledhjen e fondeve për bamirësi, është i hapur për të gjithë dhe nuk kërkon anëtarësimin në ndonjë organizatë, megjithëse organizohet prej një organizate lokale të burrave me mjekra, transmeton Telegrafi.

Madje, gara është e hapur për të gjithë, pa dallim gjinie, nacionaliteti, apo race.

Këtë vit do të garohet në 21 kategori, që përfshijnë stilin e lirë, kreativitetin e bërë me duar, formën natyrale dhe atë nën 16-vjeçar. Organizatorët kanë ofruar pjesëmarrje pa pagesë, për ata prej 12-vjeçar, që plotësojnë kushtet e konkurrimit.

Ky aktivitet bienal, që më parë është zhvilluar në Brighton, Bristol dhe Liverpool, ka tërhequr shumë konkurrues, familjarët dhe miqtë e tyre, spektatorë dhe mbështetës, me ose pa mjekër, nga mbarë bota.

Meqenëse Blackpool është qytet me shumë zona turistike dhe ka shumë vizitorë, pritet që ky kampionat të zhvillohet aty edhe herëve të tjera. /Telegrafi/