Gazetari Vehbi Kajtazi ka folur lidhur me marrëveshjen që mundëson lëvizjen e lirë me anë të dokumenteve të identifikimit ndërmjet Kosovës dhe Serbisë për shtetasit e dy shteteve respektive.
Kajtazi ka thënë se kryeministri i Kosovës, Albin Kurti, sa ishte në opozitë e quante ish-presidentin Hashim Thaçi tradhëtar kur ka nënshkruar marrëveshjen në Bruksel për lëvizje të lirë me Serbinë.
Kajtazi më tej ka thënë se sot Kurti po quhet hero.
Ai këto komente i ka bërë në Twitter.
“Kur eshte nenshkru marrveshja ne 2011, Kurti e ka qujt Thaçin tradhetar. Sot qe Kurti arriti ta zbatoje ate, po quhet hero. Ne ditet e sotme, kriteret se kush eshte hero e kush tradhetar i cakton 45 perqindrshi i analfabeteve funksional, sic i quante Kurti gjysmen e popullesise”, deklaroi Kajtazi.
