Adnan Januzaj ka thënë se nuk e di nëse do të rikthehet te Manchester Unitedi apo jo, pas përfundimit të këtij sezoni.
Talenti shqiptar është i huazuar te Dortmundi nga skuadra angleze, por që nuk ka arritur të gjejë hapësirën e duhur.
“Nuk e di nëse do të rikthehem te Unitedi. Doja të transferohesha në një klub ku mund të luaja, dhe aty kisha disa probleme, por tani jam i lumtur këtu. Vetëm më duhen edhe disa ndeshje për të luajtur dhe do të jem mirë”, është shprehur Januzaj, raporton Sky Sports.
Januzaj deri më tani ka bërë vetëm gjashtë paraqitje për Dortmundin në Bundesligë, ndërsa nuk ishte startues në asnjërën prej tyre.
