Mbrëmë rreth orës 23:00 është sulmuar stacioni i Policisë së Kosovës në Zubin Potok, ndërsa sulmuesit kanë lënë edhe porosi të shkruara.
Zëvendësdrejtori i Policisë Rajonale në veri Besim Hoti tha për KALLXO.com se sulmi i mbrëmshëm dyshohet se është kryer me granatë dore.
Sipas Hotit, shpërthimi i kësaj granate ka shkaktuar dëme në veturat e parkuara në oborrin e stacionit të policisë, ndërsa nuk ka shkaktuar lëndime në njerëz.
Hoti bëri të ditur se sulmuesit kanë lënë edhe porosi të shkruara pas sulmit.
“Stop polici e Kosovës dhe EULEX-it, tradhtarë dhe EULEX go home”, janë disa nga porositë e shkruara që përmendi Hoti.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
