Kandidati i AAK-së, Ahmet Isufi, së bashku me kandidatin për kryeministër Ardian Gjini dhe strukturat e Aleancës, zhvilluan vizita në Gjilan e Dardanë, ku takuan qytetarë, sipërmarrës dhe të rinj. Ata vizituan fabrikat “Pallma”, “Euro Model” dhe “Qua Fix”, duke theksuar mbështetjen për prodhuesit vendorë dhe angazhimin për zhvillimin e Anamoravës, shkruan Infosot.
Postimi i plotë
Sot, bashkë me kolegët kandidatë për deputetë dhe struktura të Aleancës, pritëm Kryetarin dhe kandidatin për Kryeministër, Z.Ardian Gjini me të cilin rast e njoftuam për angazhimet dinamike në takime me qytetarë dhe interesimin për realizimin e objektivave tona për zhvillimin e Gjilanit.
Gjithashtu vizituam ndërmarrje, për të parë nga afër potencialin ekonomik dhe për të dëgjuar zërin e sipërmarrësve tanë.
Një vizitë me shumë interes realizuam në fabrikën e mobiljeve ,,Pallma”, ku u njoftuam për të arriturat dhe zhvillimin e saj si një shembull i shkëlqyer i ndërmarrësisë, për të vazhduar te kompania për prodhimin e mobilieve ,,Euro Model’’
Për tu njohur me të kaluarën e afërt të lavdishme vizituam ,,Kullën e Bashkimit’’ në Kosaqë, aty ku është e pasqyruar historia e tri luftërave çlirimtare dhe aty ku përvjetorët e festat kombëtare na bashkojnë nga të gjitha viset shqiptare.
Në Dardanë, vizituam fabrikën e ujit “Qua Fix” për të treguar interesimin dhe mbështetjen tonë për prodhuesit vendorë. Këtë vizitë e përmbyllëm me një bashkëbisedim me rininë e cila është e mrekullueshme, por ka nevojë për përkrahje e hapje të perspektivës.
Me përkushtim të përbashkët do ti kthehemi angazhimit institucional, për të vazhduar investimet e mbetura në Anamoravë sidomos kur kemi parasysh interesin strategjik si zonë kufitare, ku është lidhja e domosdoshme me bashkëkombasit tanë në Kosovën Lindore.
#ALEANCA128
