Isa Mustafa lideri i Lidhjes Demokratike të Kosovës, ka folur rreth koalicionit VV-LDK, shkruan gazeta inFokus.
Mustafa ka thënë se ky koalicion mund të kërcënohet vetëm nga vetë koalicioni por që ai nuk po e sheh një kërcënim të tillë.
E sipas Mustafës aq më pak është LDK-ja, që po e kërcënon këtë koalicion bashkë qeverisës.
Ky është reagimi i tij i plotë:
Një sondazh me prapavijë qëllimkeqe i TV Dukagjini.
“A po e kërcënon LDK koalicionin?” Kjo është pyetja që iu shtrua opinionit sonte!
Sipas kësaj, Redaksia e TV Dukagjinit e paska vendosur, se në çdo alternativë LDK duhet të jetë ajo që kërcënon. Dhe paraprakisht duhet etiketuar si përgjegjëse LDK-në. Pyetja është sugjestive dhe rrjedhimisht është joprofesionale. Sepse një TV serioz do duhej, nëse bash ka nevojë, të shtrojë pyetje neutrale: Kush po e kërcënon koalicionin…
Dhe unë do të përgjigjesha se koalicionin mund ta kërcënojë vetë koalicioni. Por këtë kërcënim nuk e shoh. IM
