Juventusi dhe Interi thuhet se do të luftojnë mes vete për talentin e Fiorentinës Federico Chiesa në afatin kalimtar të verës.

Sulmuesi i talentuar italian ka qenë mbresëlënës për Violën gjatë sezoneve të fundit, dhe gjithashtu ka bërë mirë për Italinë në ndeshjet e fundit.

Sipas gazetës italiane Tuttosport, ish-drejtori i përgjithshëm i Juventusit, Giuseppe Marotta, në thelb kishte rënë dakord për një marrëveshje për ta sjellë atë në Torino në verën e vitit 2019.

Megjithatë, drejtori tani pritet të bëhet drejtues për Nerazzurët, dhe kjo mund të krijojë një luftë transferimi mes të dy skuadrave italiane.

Federico Chiesa (Foto: Gabriele Maltinti/Getty Images/Guliver)

Juve ende mendohet të jenë në epërsi, por drejtori sportiv Fabio Paratici do të duhet të lëvizë shpejt për të ndaluar mentorin e tij nga rrëmbimi i marrëveshjes.

Bardhezinjtë janë gati të investojnë rreth 50 milionë euro për Chiesan, pjesë e së cilës mund të bëhet edhe ndonjë lojtar në këmbim.

Marko Pjaca, i cili tashmë është i huazuar në Firence, do të ishte një opsion logjik, por Riccardo Orsolini po konsiderohet gjithashtu, raporton gazeta.

Në anën tjetër edhe Interi mendon të zbus çmimin e kërkuar nga Fiorentina duke ofruar edhe ndonjë lojtari si pjesë të marrëveshjes. /Telegrafi/