Kosova për afro pesë muaj është duke u ballafaquar me pandeminë. Në javët e fundit janë rritu dukshëm raste të reja me koroanvirus. Të infektuarit janë edhe punëtorë të institucioneve të ndryshme publike dhe private në vend, ndër ta edhe në Policin e Kosovës.
Zyrtarisht deri më tani janë 37 policë që janë të infektuar me koronavirus, gjendja e tyre shëndetësore është e mirë.
Këtë për Gazetën Sinjali e ka konfirmuar zyra për Media e Policisë së Kosovës.
“Po, aktualisht janë 37 ( zyrtarë aktiv ( të infektuar) me COVID-19 Gjendja e tyre shëndetësore për momentin është stabile! Policia e Kosovës, si institucion i zbatimit të ligjit, bazuar në mandatin e saj ligjor është e obliguar të ndërmerr veprimet e nevojshme operative hetimore në trajtimin e rasteve të natyrave të ndryshme që raportohen në Polici”, thuhet në përgjigjen e Policisë së Kosovës për Gazetën Sinjali.
Polica e Kosovës ka thënë se varësisht prej situatës epidemiologjike vazhdojë angazhimin e saj në realizimin e detyrave dhe përgjegjësive të saja ligjore karshi qytetarëve dhe vendit, çdo herë duke iu referuar zbatimit të ligjit dhe masave të parapara.
“Njëkohësisht Policia e Kosovës (PK), referuar situatës në të cilën gjendemi si dhe referuar vendimeve të institucioneve të Kosovës ndaj pandemisë, përfshirë edhe angazhimin e stafit apo burimeve njerëzore mbetet e përkushtuar që varësisht prej situatës, vlerësimeve dhe rrethanave që mund të paraqiten të vazhdojë angazhimin e saj në realizimin e detyrave dhe përgjegjësive të saja ligjore karshi qytetarëve dhe vendit, çdo herë duke iu referuar zbatimit të ligjit dhe masave të parapara”, thuhet në përgjigjen e ZIMP, shkruan Gazeta Sinjali.
Në vendin tonë janë mbi 1 mijë persona aktiv me koronavirus.
