Ndeshja e parë në Serie A prodhoi pesë gola (Chievo 2-3 Juventus), ndërsa e dyta tashmë një gol të bukur.

Po flasim për golin e Ciro Immobiles në derbin mes Lazios dhe Napolit.

Italiani arriti të kalojë skuadrën e tij në epërsi në minutën e 25-të pas një asistimi nga mbrojtësi Francesco Acerbi.

Festa e Ciro Immobile pas golit ndaj Napolit (Foto: Getty Images)

28-vjeçari me një lëvizje klasi arriti të mashtrojë tre mbrojtës napolitan dhe në fund shënoi mjeshtërisht në portën kundërshtare.

Në sezonin e fundit Immobile në Serie A kishte shënuar 29 gola në 33 ndeshje.

Nuk duhet harruar në portën e Lazios është shqiptari Thomas Strakosha, kurse në bankën rezervë Riza Durmishi.

Mesfushori i Përfaqësueses së Kosovës, Valon Berisha, nuk është ftuar për shkak lëndimit të pësuar. /Telegrafi/

#LazioNapoli #Immobile che gol! pic.twitter.com/Jw1tUCwLUh

— Simone Norma (@Simone081) August 18, 2018