Zyra e Kryeministrit ka ndarë letër urimin që Kryeministri i Shqipërisë, Edi Rama, i ka dërguar Kryeministrit Albin Kurti, me rastin e 17 vjetorit të Pavarësisë së Kosovës.
Ne letrën e Ramës thuhet se Kosova ka shënuar arritje të paimagjinueshme në ndërtimin e institucioneve demokratike dhe Shtetit të së Drejtës, me mbështetjen e vazhdueshme dhe të pakursyer të aleatëve.
“Përulemi sot përpara themeluesve të Republikës, duke shprehur pafundësisht mirënjohjen tonë. Një rrugëtim sfidues dhe i suksesshëm deri më 17 shkurt të vitit 2008, ditën e shpalljes së Pavarësisë së Republikës së Kosovës dhe një rrugëtim po kaq sfidues e i suksesshëm, deri më sot, për forcimin e saj”, thuhet në letër.
Letra figuron se është shkruar më 13 shkurt, e ZKM e ka ndarë tek sot.
