Vetëm disa javë pas zbulimit zyrtar të HTC One M9, HTC ka prezantuar zyrtarisht edhe modelin e ri dhe pasaardhësin e telefonit të saj të shumëpërfolur, përkatësisht modelin HTC One M9 Plus.
HTC One M9 Plus është një telefon pak më i madh sesa paraardhësi i tij, me dizajn gati identik dhe trup të metaltë, por në mesin e risive që i njëjti sjell është edhe skaneri i gishtave në butonin qëndror në pjesën e përparme, dhe kamerat Duo Camera, që ishin edhe në versionin e mëparshëm – One M8.
HTC One M9 Plus – për fat të keq – është një model i ri i telefonit që HTC e zbuloi në Pekin, dhe deri tani është thënë se i njëjti do të shitet vetëm në Kinë.
Karakteristikat kryesore të HTC One M9 Plus, përfshijnë:
Android 5.0 Lollipop me HTC ‘China Sense’
Dimensionet: 150.99 x 71.99 x 9.61mm
Ekrani: 5.2-inç në LCD me 1440 x 2560-piksel (Quad HD)
Procesori: MediaTek MT6795T octa-core në 2.2GHz
3GB RAM, 32GB memorie të brendshme
Kamera kryesore: 20MP
Kamera e përparme: ‘UltraPixel’
Telefoni do të ofrohet në tri ngjyra: një kombinim me ari dhe argjend, një tjetër version është në ngjyrë të artë, dhe një model vjen në variantin gri.
