Ish-ministri i Jashtëm i Kosovës, Enver Hoxhaj ka reaguar ndaj përdorimit të vetos së Rusisë ndaj Rezolutës së sponsoruar të Britanisë së Madhe për Srebrenicën duke e quajtur të papranueshme dhe një sulm ndaj dinjitetit të viktimave.
“Është e papranueshme përdorimi i vetos ndaj njërës prej ngjarjeve gjenocidiale më të tmerrshme në Evropë pas Luftës së Dytë Botërore. Një tjetër sulm dhe fyerje për dinjitetin e viktimave. Përdorimi i vetos së Rusisë në Këshillin e Sigurimit ndaj një rezolute për Srebrenicën i politizon marrëdhëniet e mëtutjeshme në Ballkan” ka shkruar Hoxhaj në Twitter.
