Në emër të grupit parlamentar të PDK-së Enver Hoxhaj tha se në kuptimin politik kanë të bëjnë me shënjimin e vijës kufitare mes dy shteteve
Prandaj, siç tha ai, në këtë kuptim askush nuk mund ta shënjoj një kufi në mënyrë të njëanshme.
Ai theksoi se askush nuk është i interesuar as të dhurojë një pjesë të Kosovës, por askush nuk është i interesuar as ta pranoj një pjesë të territorit të Kosovës.
Hoxha shtoi se kufijtë e dikurshëm krahinor shndërrohen në kufij ndërshtetëror dhe vija kufitare me Malin e Zi ka një kontinuitet prej vitit 1945.
“Vija kufitare të cilën e ka përcaktuar Komisioni është në përputhje me Kushtetutën e vitit 1974”, tha Hoxhaj.
Po ashtu, sipas Hoxhajt shënjimi i vijës kufitare me Malin e Zi është edhe në bazë të marrëveshjes së Ahtisaarit që është marrëveshje ndërkombëtare.
