Kulla e Bashor Pren Gegaj, e njohur si “Kulla e Bashoreve”, është kullë e vjetër që nga mesi i shekullity XIX. Ka shërbyer si shtëpi banimi për rreth 102 anëtarë të familjes Gegaj.
Po ashtu ka shërbyer si strehimore për shumë të përndjekur politik nga okupatori jugosllav në vitet e ’50-ta. Sot anëtarët e familjes Gegaj janë rreth 300 anëtarë me rreth 45 shtëpi dhe jetojnë në fshatin Gurakoc të Komunës së Istogut. Në këtë kullë ka qenë në vizitë si nënkryetar i PDK-së, Rexhep Hoti dhe kryetarja e gruas së PDK-së, Justina Shiroka-Pula.
Në këtë takim shumë të ngrohtë, është folur për kullën dhe mirëmbatjen e saj. Hoti ka premtuar se në Qeverinë e ardhme do të merren të gjitha masat që ky momument kulturor do të ketë mbështetje financiare nga shteti, si objekt me rëndësi të veçantë të trashëgimisë kultorore, shkruan rtklive.
Nënkryetari i PDK-së, Rexhep Hoti u ka premtuar familjarëve se ky objekt me rëndësi të veçantë do të renovohet në tërësi. “Kulla e Bashoreve”, ka një arkitekturë të veçantë, e ndertuar me kombinimin gurë, tjegulla dhe drunj.
