Duket se rezultatet e zgjedhjeve në Drenas, nuk dolën siç prishte Partia Demokratike e Kosovës.
Që nga mbrëmë asnjë zyrtar i kësaj partie nuk e tha asnjë fjalë të vetme.
Nuk foli as kryetari i partisë Kadri Veseli. Në udhëheqjen e këtij të fundit, PDK për herë të parë që nga paslufta nuk ka arritur të siguroj fitore në raundin e parë të zgjedhjeve në Drenas.
Postimi i tij i fundit në rrjetet sociale rreth zgjedhjeve në Drenas, ishte me 2 dhjetor.
Heshtje totale ka edhe nga zyrtarët e tjerë dhe simpatizantët e partisë. Askush nga PDK nuk doli asnjë fjalë të vetme për rezultatin e dobët mbrëmë në Drenas.
Sipas rezultateve preliminare, kadidati i PDK-së, Ramiz Lladrovci, do të detyrohet të garoj edhe në raundin e dytë të zgjedhjeve për kryetar të Drenasit me Isa Xhamajlajn e ‘Nismës për Kosovën”.
Përndryshe, në raport me zgjedhjet e fundit lokale të vitit 2013, kandidati i PDK-së ka marrë rreth 19 për qind më pak vota./Gazeta Express
