Lutfi Haziri, nënkryetar i LDK-së e ka përshëndetur marrëveshjen LDK-LVV për bashkëqeverisje në mandatin e ardhshëm.
Haziri ka nënvizuar faktin se marrëveshja u finalizua pas një procesi jo të lehtë, ku LDK i ka ruajtur parimet e veta.
Nënkryetari Haziri ka thënë se qeverisjen e shpresës e presin punë të mëdha për Kosovën dhe njerëzit e saj.
Ky është statusi i plot i nënkryetarit Haziri në profilin e tij në facebook.
Ia patëm premtuar popullit që emri i kryeministrit kalon nëpër zyrat e LDK’së.
Jam jashtëzakonisht i lumtur që pas një procesi jo të lehtë, LDK tashmë ka arritur marrëveshjen finale me LVV-në. Është shumë e rëndësishme që LDK i ka ruajtur parimet dhe konsistencën në qëndrime.
Koalicioni i Shpresës u bë realitet. Na presin punë të mëdha për Kosovën, për njerëzit e saj, ka shkruar nënkryetari Lutfi Haziri!
