Deputeti i PDK-së Nait Hasani, ka vlerësuar se në seancën kur pritet që të ratifikohet marrëveshja e Demarkacionit, nuk do të ketë diçka jo të zakonshme, raporton GazetaBlic.
“Nuk po besoj që do të kemi diçka të jashtëzakonshme”, ka thënë ai në një prononcim për Gazetën Blic.
Por kur është pyetur se a do të thotë kjo që koalicioni i ka numrat e mjaftueshëm apo jo për ta miratuar këtë marrëveshje, Hasani ka thënë se nuk di asgjë për këtë çështje.
“Nuk e di. 2/3 duhet me i pasë, nuk e di a janë”, ka deklaruar deputeti i Partisë Demokratike të Kosovës.
Ndërsa, ka vlerësuar se kryeministri i Kosovës është ai, i cili duhet ta sjellë zgjidhjen për një të tillë gjëje.
“Kryeministri me përgjegjësinë e vet duhet ta zgjidhë këtë çështje dhe ta sjellë në kuvend kur ta sheh të arsyeshme”, është shprehur ai, duke shtuar se nuk duhet të ketë konflikt të brendshëm, pasi që siç ai është shprehur për këtë gjë janë mbledhur edhe 200 mijë nënshkrime.
Tutje gjatë bisedës, Hasani e ka cilësuar si kushtëzim lidhjen e demarakcionit me liberalizimin e vizave.
“Datat i kanë dhënë me çështjen e liberalizimit të vizave. Në moment që është zgjedh me liberalizimin e vizave, kjo është kushtëzim, e këto kushtëzime janë të dëmshme për neve”, ka shtuar ai.
I pyetur se a do të votojë për ratifikim e kësaj marrëveshjeje, Hasani ka thënë se pritet të shihet.
“Kur të vijë çështja në kuvend, do ta shohim çfarë na ka ardhur”, ka thënë shkurt deputeti i kkuvendit.
Nga ana tjetër, kryeministri Isa Mustafa dhe presidenti i Kosovës Hashim Thaçi, janë deklaruar disa herë se çështja e demarkacionit do të përmbyllet se shpejti./GazetaBlic/
