Kryetari i Aleancës për Ardhmërinë e Kosovës, Ramush Haradinaj ka pritur, në një takim zëvendës/ presidentin e parlamentit evropian Rainer Wieland.
Ata kanë diskutuar mbi gjendjen aktuale në Kosovë, dhe hapat e Kosovës drejt Evropës.
Wieland, ka thënë se përshtypja e tij mbi Kosovën është pozitive, vetëm se njerëzit në Kosovë duhet të bëjnë durim dhe guxim për të arritur atë që duan.
Kryetari i Aleancës, për Ardhmërinë e Kosovës, Ramush Haradinaj ka thënë se delegacionit të parlamentit evropian ia ka përcjellë vizionin për Kosovën shtet të së drejtës.
Përkushtimin për luftën ndaj krimit të organizuar dhe korrupsionit, për zhvillim të mirëfilltë ekonomik dhe për përshpejtimin e proceseve integruese të Kosovës në familjen evropiane
Kryetari i Aleancës, ka shfrytëzuar konferencën për të folur edhe rreth protestës e cila pritet të mbahet të shtunën. Ai ka thënë se pret një pjesëmarrje të madhe të njerëzve, dhe se protestat janë treguar si një mjet ndikues për të ndryshuar gjërat.
E arrestimin e drejtorit të Urbanizmit në Prishtinë, Liburn Aliut, Haradinaj e ka quajtur si të pakuptim, duke thënë se Aliu është një zyrtar shumë i mirë, dhe se është habitur me sjelljen që i është bërë atij./Tribuna/
