Kryetari i AAK-së, Ramush Haradinaj, i ka reaguar ashpër kryeministrit Albin Kurti lidhur me rritjen enorme të çmimit të vajit brenda 24 orëve.
Haradinaj i ka thënë Kurtit se duhet të veprojë ose të lëshojë rrugë.
“A je në tokë të bukës, o Albin Kurti?”, e ka pyetur ai shefin e qeverisë duke i thënë se “a po e sheh se matrapazët janë duke e goditur popullin?”.
“Vepro ose lësho rrugë Albin Kurti. A je në tokë të bukës o Albin Kurti. Kush është ka ta saboton shtetin?! A po sheh se matrapazët po ta godasin popullin. Një litër vaj brenda natës po të shtrenjtohet gati dyfish! A je edhe ti pjesë e këtij skenari, apo je shndërruar në “komisar për moral”! Zgjohu o Kryeministër e kryje detyrën që ta ka dhënë populli, ose lësho rrugë. A po e sheh se është ka soset durimi!”, ka shkruar ish-kryeministri në Facebook.
