Incidentet në futbollin turk nuk kanë të ndalur kohëve të fundit.
Pas sulmit fizik ndaj gjyqtarit nga presidenti i Ankaragucut, ndërprerja e ndeshjes mes Istanbulsporit dhe Trabzonsporit, tani futbolli turk është tronditur nga përleshja e futbollistëve në ligën e parë mes Bursasporit dhe Diyarbekirsporit, njofton Fanatik.tr, përcjell lajmi.net.
Sherri nisi kur lojtari i Diyarbekirsporit, Bunjamin Gezer, i cili pas golit të shënuar bëri një veprim drejt tifozëv vendas.
Për veprimin e Gezer, reaguan futbollistët e Bursasporit të cilët nisën një debat verbal.
Pas debatit mes tyre, “shpërtheu” një sherr i madh mes futbollistëve, siç raportohet në mediat turke.
Pas incidenteve, Serhat Çaliskan, Cem Celik dhe Bunyamin Yurur nga Diyarbekirspor, dhe Çagatay Yilmaz dhe Bilal Guney nga Bursaspor u ndëshkuan me kartonë të kuq.
