Rrjeti social Twitter është përfshirë nga disa hakime në orët e fundit ku hakerët në një rast kanë penetruar adresën zyrtare të Google për të promovuar një mashtrim me Bitcoin.

Llogaria e zyrtare e G Suite në Twitter publikoi mesazhin e paraqitur në foton më poshtë për 800,000 ndjekësit e saj.

Nuk dihet për sa kohë cicërima ka qëndruar në profilin e G Suite por sipas raportimeve jo më shumë sesa 11 minuta.

Google ende nuk ka mbajtur qëndrim lidhur me ngjarjen.

Gjatë ditës së djeshme gjigandi Amerikan Target gjithashtu ra pre e sulmit ku në profilin e tyre u publikuar një mashtrim i ngjashëm i cili qëndroi live për mëse gjysmë ore.

Google i bashkohet listës së gjatë të viktimave si kompani, politikanë dhe llogari qeveritare të cilat nën kontroll nga hakerët kanë promovuar skema mashtrimi me bitcoin. /PCWorld Albanian