Learta Hollaj nga Presidenca, i ka cilësuar ‘’shpifje’’, ‘’të pavërteta edhe produkt i një mendësie e cila për interesa të momentit, është e gatshme të dëmtojë edhe vetë shtetin’’, akuzat që janë bërë në drejtim të presidentes Vjosa Osmani, për një plan për të rrezuar qeverinë e vendit.

Hollaj ka theksuar se presidentja Osmani, as s’ka qenë as s’do të bëhet ‘’kurrë’’ pjesë e skenarëve të tillë.

‘’ Në një kohë kur shpifjet tentojnë të paraqiten si narrativë politike, Presidentja nuk mbështetet në makineri propagandistike për të imponuar të vërtetën e saj. Por ajo mbështetet në diçka më të fortë: në të vërtetën vetë’’, ka shkruar ajo mes tjerash.

Hollaj ka thënë edhe se, qytetarët e vendit do ta kuptojnë se ‘’çfarë qëndron pas gjithë kësaj zhurme’’.

“Koha gjithmonë i ndan qartë faktet nga propaganda. Qytetarët e Kosovës do ta kuptojnë qartë se çfarë qëndron pas gjithë kësaj zhurme. Sepse në fund, propaganda do të zbehet, ndërsa e vërteta do të mbetet.”

Postimi: