Hashim Thaçi asht i gatshëm me e leshue karrigën e kryetarit të PDK’s e me ia lanë postin Kadri Veselit, nëse zgjidhet President i Republikës.
Kështu thotë kryedeputeti i PDK, Adem Grabovci gjatë nji interviste për Televizionin Rrokum.
Ai thotë se Veseli asht i gatshëm me u ba kryetar për me e fuqizue Partinë Demokratike.
Mbas deklaratave të ish-kryeministrit dhe Ministrit të Mbrendshëm, Bajram Rexhepi se PDK’n e ka kapë SHIK’u, Veseli pati thanë se nuk ka karamele të bardha tu’ iu referue kryetarit aktual të PDK, Hashim Thaçi. Por Adem Grabovci e përjashton mundësinë e spastrimeve në PDK, mbas ardhjes së Veselit në krye të partisë.
Megjithatë, Grabovci e mbronë Veselin edhe nga kritikat LDK’s, se opozita po përdoret nga njerëz mbrenda PDK’s për me realizue qëllimet e tyne mbrenda partisë.
Ai siguron se nuk asht Kadri Veseli që po e kryen këtë lojë.
Grabovci e ka nji mesazh për BE’n edhe sa i takon vazhdimit të dialogut me Serbinë. Ma tej, Grabovci fton partitë opozitare për me debatue në Kuvend në lidhje me Marrëveshjet e Asociacionit dhe të Demarkacionit.
E për vetë Demarkacionin, shefi i deputetëve të PDK’s, thotë se mbas fakteve të ofrueme, ajo marrëveshje duher rishqyrtue.
