Përzgjedhjes së futbollistit më të mirë nga Federata e Futbollit të Kosovës, artikull të veçantë i ka kushtuar edhe edicioni gjerman i uebfaqes së njohur “Goal.com”.
Kjo uebfaqe ka njoftuar lexuesit e vet se mesfushori i St.Paulit nga Bundesliga 2, Enis Alushi, është Futbollisti më i Mirë i Vitit 2015 në Kosovë.
“Mesfushori Enis Alushi 27-vjeçar nga skuadra e divizionit të dytë St. Pauli është votuar Futbollisti i Vitit në Kosovë për 2015-ën”, ishte njoftimi i “Goal.com” në edicionin gjerman.
Burri i kampiones së botës në futboll, Fatmire Alushi, u nderua të shtunën në Prishtinë.
