Shpallja e konkursit për tre anëtarë jo-prokuror të KPK’s u kundërshtue nga përfaqësuesi i shoqnisë civile Florent Muçaj, simbas të cilit, shpallja e këtij konkursi asht kundër ligjit dhe Kushtetutës.
Muqaj propozoi me ja lanë Kuvendit me u marrë me këtë ligj, por ra në kundërshtim me Kryeprokurorin Lumezi, i cili tha se nji e drejtë që u ushtrue nga KPK’ja nuk mundet me ju lanë Kuvendit.
Përkundër diskutimeve të shumta, vendimi i Këshillit Prokurorial për me e shpallë konkursin për tre anëtarë jo-prokuror të KPK’s u miratue me pesë vota për, ndërsa tri vota ishin që kjo pikë të shtyhet.
E gjatë prezentimit të raportit për tremujorin Korrik-Shtator, Koordinatori Nacional për Luftimin e Krimit Ekonomik, tha se vetëm për tre muej janë sekuestrue rreth 3 milionë euro në mënyrë të paligjshme, e vlera e përgjithshme për këtë vit ka arritë shumën në 20 milionë euro.
Mirëpo, edhe pse në këtë mbledhje u tha se Gjykatat po refuzojne sekuestrimin dhe konfisikimin e pasunisë, unanimisht u aprovue raporti dhe manuali për sekuestrim dhe konfiskim.
Në mbledhjen e 107 të Keshillit Prokurorial, u aprovue rregullorja për emnimin e kryeprokurorëve.
