Inspekcioni në komunën e Gjilanit i ka dënuar me nga 700 euro dy thertoret që ndotën lumenjte me mbetje të kafshëve.

Njoftimin e bëri kryetari i Gjilanit Alban Hyseni.

Hyseni iu bëri thirrje të gjithë qytetarëve dhe bizneseve që ta shtojnë kujdesin ndaj ambientit.

“Gjatë 24 orëve të fundit nga drejtoria e Inspekcionit, pas inspektimeve në terren dhe sigurimit të dëshmive nga palët ankuese, janë shqiptuar gjobat konform Rregullores Komunale pasi që është konstatuar ndotja e lumenjve me gjak dhe mbetje fundrrinore, e cila është bërë gjatë trajtimit të ujërave të impianteve të dy therrtoreve në afërsi”.

“Lusim të gjithë qytetarët dhe bizneset të shtojmë kujdesin në ruajtjen e ambientit!”.

Klankosova.tv ka raportuar në mëngjes lidhur me një rast në fshatin Malishevë të Gjilanit, ku një thertore aty kishte hedhur mbetje të kafshëve.

Lexuesit e Klankosova.tv kishin dërguar edhe pamje nga vendi i ngjarjes.