Komandanti i KFOR-it gjeneralmajor Ozkan Ulutash u takua sot në Beograd me shefin e Shtabit të Përgjithshëm të Forcave të Armatosura të Serbisë, gjeneral Milan Mojsiloviq.
Gjeneralmajor Ulutash theksoi se komunikimet e rregullta ndërmjet KFOR-it dhe ushtrisë serbe janë thelbësore për të rritur bashkëpunimin reciprok dhe për të trajtuar zhvillimet përkatëse të sigurisë dhe për ruajtur stabilitetin rajonal.
KFOR-i vazhdon të zbatojë mandatin e tij për të kontribuar në një mjedis të sigurt për të gjithë njerëzit në Kosovë dhe lirinë e lëvizjes, në çdo kohë. KFOR-i punon në koordinim të ngushtë me Policinë e Kosovës dhe EULEX-in, në rolet e tyre përkatëse si reagues të sigurisë, thuhet në njoftim.
