Gjendje alarmuese në KOSTT shkaku i “spastrimeve dhe linçimeve”, paralajmërohet protestë

01.08.2021 17:01
Rreshtat+- AShkronjat+- Printo
Gjendje alarmuese në KOSTT shkaku i “spastrimeve dhe linçimeve”, paralajmërohet protestë

Një gjendje aspak e mirë e cila mund që qoj deri në protestë është krijuar brenda kompanisë publike KOSTT.

Kjo mësohet nga një letër të cilën së voni Sindikata e punëtorëve të KOSTT-it i ka dërguar bordit të kësaj kompanie.

Në të shpjegohen arsyet e pakënaqësive të krijuara brenda kompanisë si dhe kërkohen veprime për kthimin e gjendjes në normalitet.

Në këtë letër, një kopje të së cilës e ka siguruar Gazeta Infokus thuhet se brenda KOSTT-it ka filluar një fushatë spastrimi tendencioz i punëtorëve kontributdhënës nga ana e menaxhmenit aktual.

“Është alarmues fakti që punëtorë të zellshëm të kompanisë, linçohen e degradohen, në vend që të vlerësohen për punën profesionale. Veprimet e tilla pamundësojnë ushtrimin e pavarësisë profesionale nga cilido punëtor në kompani ngase për interesa të ngushta vërehet se po kthehen në hakmarrje ndaj të njëjtëve, e cila po shpie deri edhe në sakrifikimin e pozitave të cilat i mbanin në emër të punës e zellit, në mbrojtje dhe respektim të ligjeve në fuqi”, thuhet në letrën që i është drejtuar bordit të KOSTT-it.

“Veprimet e tilla të ulëta dhe joprofesionale”, sipas sindikalistëve, nuk janë në dobi të kompanisë dhe si të tilla “krijojnë pasiguri tek punëtorët dhe dëmtojnë rëndë imazhin e kompanisë, para vetë punëtorëve të KOSTT-it , por edhe të akterëve dhe bashkëpunëtorëve të jashtëm”.

“Nga ana tjetër, emërimi i personave në pozita menaxheriale në emër të përmbushjes së agjendave të caktuara, imazhi i dyshimit i të cilëve në KOSTT është i padiskutueshëm, madje pa treguar asnjë angazhim dhe kontribut në dobi të kompanisë është i papranueshëm, i pakapshëm dhe fyerje për kolektivin”, kanë shkruar sindikalistët.

Pavarësisht qëllimeve dhe arsyetimeve, sipas tyre, instalimi i praktikave të tilla në kompani duhet të ndalohet dhe të korrigjohet sa më parë.
“Të arriturat dhe reputacioni i KOSTT-it si brenda dhe jashtë vendit është arritur falë djersës dhe punës së të gjithë punëtorëve pavarësisht menaxhmenteve që ka pasur”, thuhet në letrën e Sindikatës.

Rasti më i freskët i persekutimeve për qëllime të ulëta personale, konsiderohet se është shkarkimi nga pozita e u.d të sekretarit të përgjithshëm të kompanisë, të mërkurën me 28 korrik 2021.
Sipas sindikatës, i shkarkuari gjithmonë ka treguar bashkëpunim, performancë, profesionalizëm si dhe ka mbrojtur në mënyrë më të mirë interesat e kompanisë.

“Në emër të sindikatës së pavarur të KOSTT, distancohemi nga vendimi i bordit të drejtorëve lidhur me rastin në fjalë, dhe shprehim indinjatë të thellë lidhur me veprimet e këtilla denigruese, poshtëruese, dekurajuese dhe tendencioze të menaxhmentit të cilat vënë në pikëpyetje përgjegjshmërinë, paanshmërinë dhe profesionalizmin e tyre”, thuhet në letër.

Me këtë rast, sindikalistët u kanë bërë thirrje Bordit të KOSTT-it, Qeverisë dhe Kuvendit që të ndërmarrin hapa urgjent lidhur me rastin në fjalë dhe të ndalen praktikat e tilla në KOSTT.

Sindikalistët kanë shprehur bindjen se kërkesa e tyre do të merret parasysh, në të kundërtën kanë paralajmëruar se do të përdorin të drejtën për protestë aktive.

Gazeta Infokus mëson nga burimet e veta se shkarkimi i u.d sekretarit të Bordit të drejtorëve të KOSTT-it ka ardhur për shkak se nuk e ka aprovuar kërkesën e Kryeshefit Ekzekutiv akual, Mustafë Hasani, për kompensim të pagave për periudhën Gusht 2017-Nëntor 2020 (mbi 130.000 EUR), kur bordi ishte i shkarkuar.

Ndër tjera, si shkelje të Bordit të Drejtoreve dhe Kryeshefit Ekzekutiv të KOSTT-it, burimet e gazetës veçojnë avancimet pa kritere të disa prej punonjësve në kundërshtim me politikat dhe rregulloret në fuqi të KOSTT-it.

Rritja pa kritere dhe me preferenca personale e pagave të disa prej punonjësve, thuhet se e ka dëmtuar buxhetin e KOSTT-it dhe i ka demotivuar pjesën tjetër të punonjësve.
Dyshime për keqpërdorime mbi bordin e KOSTT-it rëndojnë edhe rreth proceseve tenderuese.

Komentet

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Kurti thotë se gjendja e mediave në Kosovë nuk është më e mira, por as më e keqja

Kurti thotë se gjendja e mediave në Kosovë nuk është më e mira, por as më e keqja

Bizneset kanë nevojë për përkrahjen e komunës

Bizneset kanë nevojë për përkrahjen e komunës

Alban Hyseni trashëgimtar i luftëtarit Hysen Hyseni (Zhuja), mbrojtësit të kufijve të Shqipërisë Etnike

Alban Hyseni trashëgimtar i luftëtarit Hysen Hyseni (Zhuja), mbrojtësit të kufijve të Shqipërisë Etnike

Sa i rëndësishëm është investimi i gazit natyror të cilit qeveria ia mbylli derën

Sa i rëndësishëm është investimi i gazit natyror të cilit qeveria ia mbylli derën

Targat e përkohshme mbeten ende në qarkullim

Targat e përkohshme mbeten ende në qarkullim

Nazim Gagica dhe Selami Xhemaili, lirojnë pozitat të cilat i kanë drejtuar në mandatin katër vjeçar

Nazim Gagica dhe Selami Xhemaili, lirojnë pozitat të cilat i kanë drejtuar në mandatin katër vjeçar

Miratohet marrëveshja me Kosovën për rregullat e trafikut lokal të kufirit

Miratohet marrëveshja me Kosovën për rregullat e trafikut lokal të kufirit

Dega e LDK’së në Prizren akuzon se VV’ja atje po blen vota me nga dy thasë miell

Dega e LDK’së në Prizren akuzon se VV’ja atje po blen vota me nga dy thasë miell

Mësohet arsyeja e rrahjes: Familjarët e zënë kryefamiljarin me të dashur – atë e bëjnë për spital

Mësohet arsyeja e rrahjes: Familjarët e zënë kryefamiljarin me të dashur – atë e bëjnë për spital

Kryeministri malazez midis presionit të brendshëm dhe pritjeve të Perëndimit 

Kryeministri malazez midis presionit të brendshëm dhe pritjeve të Perëndimit 

Diell verorë dhe riga shiu edhe të dielën

Diell verorë dhe riga shiu edhe të dielën

Në bisht të tiganit e fsheh drogën, tenton ta fus në burgun e Dubravës

Në bisht të tiganit e fsheh drogën, tenton ta fus në burgun e Dubravës

Kryeministri malazez midis presionit të brendshëm dhe pritjeve të Perëndimit

Kryeministri malazez midis presionit të brendshëm dhe pritjeve të Perëndimit

Drenori shpalos projektet për Drenasin

Drenori shpalos projektet për Drenasin

Masa të rrepta sigurie në prag të tubimit para Kapitolit

Masa të rrepta sigurie në prag të tubimit para Kapitolit

Para zgjedhjeve, kryetarët e komunave ndajnë mijëra leje për ndërtim

Para zgjedhjeve, kryetarët e komunave ndajnë mijëra leje për ndërtim