I ftuar i gazetarit Shkodran Gajraku në “Ballë për Ballë” ka qenë drejtori i mjekësisë ligjore Arsim Gërxhaliu, i cili ka folur për dy lokacione ku do të fillojnë kërkimet pasi kanë dyshime për disa varreza masive.
“Lokacioni i parë që do të kërkojmë është në fshatin Llugaxhi të Lipjanit, terreni i dytë më urdhërese të prokurorisë është fshati Kçiq në Mitrovicë”.
“Gjysma e ekipit ndodhet në Serbi, e kemi pak të vështirë qasjen tani për shkak që antropologët ndodhen atje”.
Gërxhaliu ka thënë se në Serbi terreni për kërkime është më i vështirë.
“Ne i kemi tre etazhe që duhet t’i përpunojmë. Rezultatet preliminare flasin për 20 persona, disa tjerë 14-15 persona, jemi duke shpejtuar pasi faktori kohë është i rëndësishëm”.
Ndërsa Gërxhaliu ka thënë se kryetarin e komisionit të të pagjeturve duhet ta emërojë kryeministri.
“Edhe sot e kësaj dite jemi duke u përballur me probleme burokratike”.
“Ende nuk kemi laborator të ADN-së, duhet ta kemi një të tillë. Kosova duhet ta ketë laboratorin vetanak”.
