George Lako është producent dhe aktor me origjinë shqiptare, i cili ka një karrierë të suksesshme në industrinë e filmit dhe televizionit amerikan si dhe në produksione komerciale. Gjergji ose Geroge Lako ka lindur në Tiranë, familja e nënës së tij është me origjinë greke-shqiptare. Gjergji flet ende rrjedhshëm shqip dhe greqisht, edhe pse prej shumë vitesh nuk e ka vizituar vendlindjen.
Ndonëse i ndarë nga atdheu për më shumë se dy dekada, familja e tij e ka ruajtur gjuhën, sic dhe ai kujton: “Nëna ime kujdesej që të më shkruante gjithmonë informacione në shqip që të mos harroja gjuhën”. Familja e tij ruajti traditat, kuzhinën tradicionale dhe festat kombëtare, duke e ushqyer Gjergjin me një dashuri patriotike, që ai mos ti harronte kurrë rrënjët e tij.
Flamuri shqiptar është gjithmonë i pranishëm në shtëpitë e tyre, sidomos në festat kombëtare. Gjergji e njeh Shqipërinë përmes mediave online, youtube dhe ka vizituar Tiranën dhe Durrësin disa herë. Ai admiron bukurinë e natyrës, bujarinë dhe mikpritjen e shqiptarëve dhe mezi pret të vizitojë Shqipërinë nga veriu në jug, siç e përshkruan me kur e pyesin për origjinën e tij: “Unë jam me origjinë nga vendet më perla dhe më të bekuara të Evropës”.
Karriera e tij sot në Amerikë është e afirmuar, ai është një artist shumë dimensional që na bën krenarë me produksione të ndryshme ndërkombëtare, si filma, reklama dhe seriale që mbajnë firmën e tij si krijues. Aktori dhe producenti George Lako emigroi me familjen në Çikago në moshën 4-vjeçare dhe u diplomua për biologji për të ndjekur një karrierë si Stomatog. Gjyshja e tij, Anita, ishte një teknike dentare jashtëzakonisht e suksesshme në Shqipëri, e cila vazhdoi të punojë ende në SHBA, me një karrierë mbi 50 vite punë të palodhur midis të dy vendeve. Puna e saj e palodhur ishte një frymëzim për të gjithë familjen, ndaj ai kishte shpresuar të ndiqte hapat e saj për t’u bërë dentist.
Menjëherë pas diplomimit në biologji, ai vendosi të merrte një vendim të vështirë për të lënë shkencën, stomatologjinë dhe një karrierë premtuese si profesionist bejsbolli për të ndjekur pasionet e tij më të mëdha në jetë: teatrin dhe filmin. Për shumicën e familjes së tij, kjo nuk ishte befasi, një aparat fotografik i dhënë nga gjyshi i tij, Spiro Godelas, ngjalli interesin e tij që në moshë shumë të vogël dhe George me atë aparat kishte bërë video të shumta 35 mm për fëmijë.
Familja e tij ka qenë jashtëzakonisht mbështetëse kur George bëri ndryshimin e karrierë duke iu përkushtuar filmit. Ata besonin shumë tek ai, pasi arti ishte diçka që ishte pjsë në familje. Vëllai i tij, Steve Lako, e motivoi George përmes karrierës së tij të suksesshme duke luajtur në piano dhe duke u bërë viral në youtube me kopertinën e tij unike të “Vivaldi – Spring Four Seasons”. Nëna e tij Kleopatra Lako, një fotografe e shkëlqyer e natyrës, vazhdon të frymëzojë “syrin” krijues të Gjergjit dhe ta mbështesë atë mendërisht dhe emocionalisht.
“Më kujtohet kur kisha mbaruar fakultetin dhe fokusohesha në aktrim dhe filmim me kohë të plotë, ishte sikur familja ime u bë menaxheri imi. Gjyshja më çonte në klasa private të aktrimit, vëllai im do të provonte skena me mua duke iprovizuar audicionet. Nëna ime më ndihmonte financiarisht për kurse të reja për filma/aktrim dhe gjyshi im do të sigurohej që ne të gjithë të ushqeheshim me disa nga ushqimet më të mahnitshme greke/shqiptare. Ishte ajo përpjekje e ekipit të familjes që më shtyu më shumë. Mbështetja e familjes është gjithçka dhe nuk mund ta kisha bërë pa ndihmën e tyre. Kumbara ime, Merle Gross ishte po aq e rëndësishme duke i dhënë vëllait tim dhe mua udhëzimet dhe mjetet që na duheshin për të lundruar në Amerikë në mënyrën më të mirë. Nëna ime dhe ajo janë engjëj për mua”, thotë ai.
Karriera e George si aktor dhe producent nuk ka qenë rastësi, por ka qenë një punë sistematike, që kërkon përkushtim maksimal. Gjergji studioi dhe u diplomua si aktor teatri, duke u vënë në punë dhe duke pranuar të gjitha vështirësitë me të cilat do të përballej si një artist emigrant duke ndjekur ëndrrat e tij në Amerikë. Falë vendosmërisë dhe talentit të tij, ai sot po korr frytet e atyre mundimeve.
George filloi karrierën e tij të aktrimit duke punuar dhe trajnuar me trajnerë aktrimi me famë botërore si Ivana Chubbuck, John Homa dhe Jeff Dockwieler përpara se të merrte role në mbi 15 shfaqje televizive dhe filma amerikanë si: “General Hospital”, “Days of Our Life”, ” Shooter”, “The Last Ship”, “Code Black”, “Girl Boss”, “The Colony” dhe “New Girl”, duke luajtur të dashurin e Zoey Deschanel, Stavros, në episodin e mirënjohur “Es Good”.
George filloi të prodhojë një sërë reklamash, video muzikore dhe projekte narrative filmash/TV për kompanitë prestigjioze ndërkombëtare si Porsche, Google, Yahoo, Volkswagen dhe Mercedes.
Në vitin 2017, ai bashkëthemeloi kompaninë e prodhimit Alpha Wolves TV me “vëllanë e tij nga një nënë tjetër” shkrimtarin/regjisorin e mirënjohur, David Mahmoudieh.
Alpha Wolves TV është një kompani që zhvillon dhe prodhon filma, TV, reklama dhe video muzikore. Slogani i tyre: “Ne jemi Ujqërit Alfa – ne nuk ndjekim gjurmët, ne i krijojmë ato.” Kompania është vlerësuar me disa çmime prestigjioze falë përmbajtjes me cilësi të lartë që ka prodhuar për tregun amerikan dhe ndërkombëtar.
Filmi i tyre “Snake Di*k” mori mbi 1.2 milion klikime në youtube dhe mbi 3 milion klikime në të gjithë botën në të gjitha platformat në më pak se një vit, duke fituar disa çmime në festivalet cilësore të Academy Award dhe tani po realizon një film artistik me George si producent dhe David Mahmoudieh skenarist dhe regji. George është gjithashtu një producent në filmin horror të ardhshëm “The Hubbard Haunted House”. Ai gjithashtu ka një pasion për kamerat dhe fotografinë – si pas dhe para objektivit. Fiziku i tij tipik mesdhetar e ka bërë të jetë pjesë në sete të ndryshme fotografike komerciale.
Gjergji është ambicioz në punën e tij, i përfaqësuar nga shpirti artistik dhe vendosmëria e tij krijuese. Axhenda dhe puna e tij janë intensive, me orë të gjata dhe kërkesa të shumta nga tregu amerikan, por planet e tij të ardhshme përfshijnë realizimin e një filmi në Shqipëri dhe Greqi. Siç thotë George: “Asgjë nuk më ndalon sepse profesioni im është pasioni im”.
