Zyrtari i LDK-së, Bajram Gecaj ka thënë se disa deputetë të LDK-së janë bërë pjesë e pazareve me Vetëvendosjen dhe AAK-në për të rrëzuar pushtetin përmes kauzës trilluese të demarkacionit. Ka thënë se të tillët po dëshirojnë të shpërndajnë mjegull.
“Thjeshtë të tillët shpërndajnë mjegull e tym, sepse ju duhet ta vjedhin të vërtetën’, ka shkruar Gecaj, në një reagim të gjatë në Facebook.
“Ato (deputetët e LDK’së që po kundërshtojnë demarkacionin) janë sajesa të dala nga fabrikat opozitare, me logon VV (LAV), me të vetmin qëllim për të përmbysë pushtetin e partisë të cilës ata i takojnë. Sikur harrohet e gjithë ajo dhunë e ushtruar ndaj tyre për muaj të tërë”, shkruan ai.
Sipas gecajt, nuk duhet hequr nga mendja se, duke e mjegulluar çështjen e demarkacionit, kjo opozitë qëllimin e vetëm dhe përfundimtar e ka përmbysjen e pushtetit.
“Mos lejoni të shndërrohemi në vegla të tyre nën petkun e patriotizmit patetik”, ka shtuar ai.
