Një foshnje e palindur ende është bërë lajm tash për tash në Gjermani. Një gazetar gjerman, pret që të bëhet baba këtë javë. Ai kishte premtuar se të birin do ta pagëzojë me emrin e futbollisti që do të shënonte në portën e Ukrainës në Euro 2016.
Me bindje kishte thënë se: “Emri nuk do të jetë Shkodran Mustafi”, duke aluduar se ky nuk do të shënonte.
Por ndodhi pikërisht kështu, sepse ishte Mustafi ai që në minutën e 19-të i dha epërsinë Gjermanisë.
DailyMail, ka përgatitur një artikull kushtuar Mustafit, të cilin e përshkruan si të çmendur pas futbollit.
E si pikë kthyese në karrierën e tij shihet largimi nga Everton ku vetëm katër vite me parë po qëndronte si rezervist.
Kalimi në Sampdoria bëri që ai të përmirësohet dukshëm, ku dhe më pas kaloi në Valencia, ku luan aktualisht.
Tash Mustafi është fitues i Kupës së Botës dhe cak i Real Madrid. Ai po ashtu është shtyllë kyçë në përbërjen e Joachim Loë, transmeton Klan Kosova.
