Ndonëse në një ditë më shi, Osman Xhoshi, i shtyrë në moshë, ka ardhur nga fshati Sankovc i komunës se Drenasit për t’ia shprehur shqetësimet deputetes Ganimete Musliu, e cila tash e tri javë çdo të mërkure po i pret në zyrën e saj në Kuvendin e Kosovës qytetarët për t’i dëgjuar shqetësimet e tyre.
Ndërsa, Gazmend Aliu, i cili është student i nivelit master, thotë se problemi më i madh të cilin e ka është gjetja e një vendi të punës.
E, deputetja Ganimete Musliu, shprehet e habitur me interesimin e madh të qytetarëve për ta takuar atë. Musliu thotë se për tri ditë qëkur e ka hapur zyrën për qytetar i ka takuar mbi 100 qytetarë. Ajo më pas tregon për shqetësimet më të mëdha që kanë qytetarët të cilët i kanë trokitur në zyre.
Musliu thotë se është kënaqësi për të që t’i dëgjojë hallet e qytetarëve pasi edhe ajo po bashkëndjenë me ta.
Në zyrë, sipas saj, i shkojnë qytetar pa dallime partiake. Ajo zotohet se secilën kërkesë të qytetarëve do ta adresojë. Ajo inkurajon palët që të vijnë sërish në Kuvend për të parë punën e përbashkët.
Aktualisht nga 120 deputetë sa ka Kuvendi i Kosovës, një praktikë të tillë është duke e ndjekur vetëm deputetja Musliu./Tribuna Channel/
