Edhe pse me nje panoramë jo shumë premtuese, me skuadrën që numeron 49 pikë që rrjedhimisht përkthehen me vendin e 6 në klasifikim, administratori i deleguar i Milanit, Adriano Galliani duket se nuk e humbet besimin tek kuqezinjtë. Gjatë një interviste për RadioUno Galliani shprehet se sezoni i MIlanit ende nuk ka mbaruar duke treguar se objektivi i tyre tashmë triumfi në Kupën e Italisë.
“Objektivi i Milanit është të rikthehet ajo skuadër e madhe që ishte në kohën e Cesare Maldinit. Edhe pse klubi është duke përjetuar një krizë të radhës kjo nuk e ka tronditur aspak skuadrën dhe drejtuesit e saj. Është me të vertetë një moment i vështirë. Gjithcka dukej se po shkonte mirë, më pas morëm vetëm 2 pikë në katër ndeshje. Një ndryshim i tillë në kapi në befasi dhe tashmë jemi duke abnalizuar të gjithë faktorët që na cuan në këtë stopim. Gjithsesi, shpresojmë që ta përfundojmë sa më mirë këtë sezon. Tashmë objektivi ynë është trofu i Kupës së Italisë, që nëse do ta fitonim do të ndryshonte historinë”, deklaron Galliani. Sfida me Juventusin do të jetë një sfidë e dyfishtë e para këtë të shtunë dhe tjetra në 21 prill. Me nota nostaligjie dhe mirënjohjeje për ish teknikun Cesare Maldini dhe Paolo Maldinin Galliani përmbylli intervistën e tij.
