Hafiz Gagica, aktivist i LDK’s në diasporë i ftuem n’emisionin politiko-satirik “RRokum Roll’ në Televizionin Rrokum, ka rrefye për shumë gjana tue nisë prej kontributit të diasporës,kandidatit të deshpruem prej deputetit, kohës së Rugovës, fraksioneve mbrenda LDK’s e shumë gjana tjera.
Ai ka theksue se diaspora ka kontribue per nji Kosove të lirë dhe te pamvarun, tue shtue se ata presin nji vend ma te mirë.
Gagica ka theksue se nuk asht inkuadrue aktivisht në politikë ngase nji kohë ka qenë i smutë mandej ka ndodh nji ndamje e LDK’s ku nuk dihej se kush kishte me zavendesue Ibrahim Rugovën.
Ai ka theksue se ishte i deshperuem edhe me vjedhjen e votave në Kosovë tue shtue se kur ka konkurue si deputet ju kanë vjedh votat.
Gagica ka theksue se nuk e di se Rugova ka lanë ndonji testament por i beson deklaratës së Fatmir Sejdiut ngase ai ka qenë Sekretar i tij për shumë vite.
Aktivisti i LDK’s e ka quejt mosbesuese Kryesinë e Lidhjes Demokratike sa i perket koalicionit me PDK, tue shtue se natyrisht se ka zhgenjime me nji veprim të tillë.
Ai ka theksue se shumica e antarëve të LDK’s janë për ndryshime por kryesia e saj nuk ka dhanë ende sheja se po shkon drejt atyne ndryshimeve.
Hafiz Gagica, ka theksue se tash për tash nuk ka ambicje për me qene kandidat për kryetar të LDK’s,
Ai ka theksue se kryetari i tanishëm i LDK’s asht i lodhshëm me udhëheqë me LDK’n tue shtue se edhe ai e ka madje ketë të qartë, që simbas tij besimi nderkombëtar i Kosovës asht zbeh mjaft shumë.
Ai ka theksue se kemi nevoja me qendrue në ketë vend që se bashku me zhvillue, por edhe duhet me deshmue se ka figura të pakontestueme dhe jo t’inkriminueme.
Simbas tij, qytetari i Kosovës asht lodhë dhe ka nevojë për nji jetë ma të mirë.
Derisa për fraksionet në LDK, Gagica ka theksue se ka dhe krijohen hapsina edhe me emnimin e zv.ministrave apo drejtorëve, dhe ky asht nji sinjal mjaft i keq, tue shtue se LDK ka nevojë me ju nenshtrue nji procesi te mirëfilltë demokratikë.
Për Isa Mustafën ka theksue se ai s’ka qenë kurrë antarë i Lidhjes Demokratike të Kosovës, por ka qenë ministër, derisa ka theksue se ai nuk ka dhanë sheja se ai mundet me ba ndyshime në LDK, por edhe për qytetarët e saj.
Ai ka theksue se Isa Mustafa bani nji koalicion me PDK’n pa e pyet askand tue shtue se ai nuk duhet me kandidue ngase nuk ka dhanë sheja se ai mundet me dha ende kontributin në LDK.
Gagica ka theksue se LDK duhet me i zgjidhë problemet mbrenda vetes, tue shtue se ai nga zgjedhjet e LDK’s pret nji lidership ma serioz nga baza deri në krye, në menyrë që edhe vendi të ketë nji zhvillim ma të mirë ekonomikë për qytetarët e saj.
