Fondi i kursimeve pensionale të Kosovës (FKPK), i cili menaxhon miliona euro nga kontributetet e qytetarëve të vendit, ka bërë shkelje të ligjit të prokurimit gjatë procedurave në gjashtë tenderë.
Këto shkelja janë evidentuar nga Komisioni Rregullativ i Prokurimit Publik (KRPP), shkruan ORAinfo.
Sipas këtij raporti gjatë inspektimit të Fondit të kursimeve pensionale të Kosovës, është vërtetuar se ky institucion publik nuk ka vepruar në harmoni me kërkesat e legjislacionit.
“Duke anashkaluar kërkesat e nenit 55.30 të udhëzuesit operativ për prokurim public”, shkruan në këtë raport.
Shklejet sipas këtij raporti janë bërë në këta tetë tenderë:
– Shtypja e raportit vjetor
– Shërbimet e përkthimit përshtatjes, lektori mit dhe përkthimit simulant
– Hulumtimi i opinionit për Brendi e FKPK-së
– Furnizim me FBX dhe licenca te Mikrosoftit pjesa 1
– Furnizim me Haurdver për infrastrukturën ekzistues
– Furnizim afatgjatë me naftë për vetura e nxemje
Raporti konstaton se në dosjen e këtyre aktiviteteve mungon një numër I dokumenteve
“Nuk ekziston dokumentacion që dëshmon mbarëvajtjen e implementimit të kontratës si, vendimi për caktimin e menaxherit dhe plani i menaxhimit të kontratës, dokumente këto që evidentojnë menaxhimin e kontratës sipas kushteve të parapara”, shkruan raporti i KRPP-së transmeton Gazeta Fjala.
KRPP ka kërkuar nga Fondi i Kursimeve që të ndërmarrë të gjitha masat dhe veprimet e duhura që të plotësohet e gjithë dosja e aktiviteteve të prokurimit që kanë të bëjë me menaxhimin e kontratës.
