Produksioni i Big Brother VIP Albania ka përjashtuar nga shtëpia banorin Klodian Duro.
Ka qenë banorja Egla ajo e cila ka lexuar zarfin e dhënë nga Vëllai i Madh.
Përjashtimi i tij ka qenë i menjëhershëm, derisa nuk është lejuar as të përshëndetet me banorët.
“Klodian Duro ka thyer një nga rregullat kryesore të këtij formati. Deklaratat që promovojnë dhunë janë kundër rregullave të këtij formati”, thuhej mes tjerash në zarfin e zi.
Produksioni ka marrë masa pasi Klodian Duro ka folur me mburrje dhunën e ushtruar ndaj ish bashkëshortes së tij për të cilën është raportuar se është me urdhër mbrojtje.
“Ruhuni nga unë se kur kam rrahur gruan a e di si më dukeni ju. Po i futa dhe një dy gotë raki tani, se kam kohë pa e provuar. E rraha ngaqë më mbante gocën, mbante gocën time”, u shpreh ish-futbollisti i Kombëtares mbrëmjen e kaluar, teksa të gjithë po darkonin në tryezë.
Nga ana tjetër, Meriton Mjekiqi dhe disa banorë të tjerë tentuan ta ndalojnë Klodianin, por pa sukses.
“Asnjëherë vëlla, larg qoftë. Nuk je ti ai. Kurrë nuk je ti ai. Unë e di që s’je ti ai. Harroje atë, ndërro muhabet, mos ta dëgjoj më”, iu drejtua Meritoni, por ish-futbollisti vazhdonte me deklaratën ku pohonte se ka ushtruar dhunë fizike ndaj bashkëshortes.
Për pasojë, Vëllai i Madh njoftoi përjashtimin e tij nga loja:
“Banorë, gjatë darkës pas spektaklit mbrëmë është dhënë një deklaratë e rëndë, e papranueshme, që bie ndesh me rregullat e programit si dhe me normat e shoqërisë ku jetojmë. Big Brother ka vendosur të skualifikojë në mënyrë të menjëhershme Klodian Duron nga gara. Big Brother i tërheq vëmendjen të gjithë banorëve të jenë shumë të kujdesshëm në fjalët dhe veprimet e tyre që lidhen me dhunën”.
@viral_albania O Klooodiii… bap bap #klodianduro #klodi #bbvipalbania
