Fluks i lartë lëvizjesh në vendkalimet kufitare Kosovë-Shqipëri

E publikuar: 26/06/2016 22:25
Rreshtat+- AShkronjat+- Printo

Në hyrje nga Shqipëria në Kosovë, në vendkalimin kryesor nëpër autostradën e kombit, në Vërmicë-Morinë, sot në mbrëmje kalohet në katër korsi në kolonë 200 metërshe dhe pa vonesa, për vetëm 2 deri 5 minuta.
Në dalje nga Kosova në Shqipëri kolona është dhjetëfish më pak – 20 metra e kalohet për me së shumti 3 minuta.

Në fillim të sezonit turistik, fluksi në rritje në këto orë te mbrëmjes në hyrje në Kosovë është kryesisht i kosovarëve që kanë kaluar fundjavën në bregdetin shqiptar, transmeton ATSh.

Për shkallën e sigurisë, Kosova e 77’ta e Shqipëria e 54’ta
Në dy vendkalimet e tjera Kosovë-Shqipëri, Qafë të Prushit dhe Qafë të Morinës, në hyrje-dalje kalohet për 1 deri 3 minuta. Fluksi pritet të shënojë rritje gjatë gjithë verës 2016 edhe krahasuar me vitet e kaluara që ishin gjithnjë me ngritje.

Mes Shqipërisë e Kosovës, më shumë se 2.7 milionë (2732089) hyrje-dalje të personave kishte vetëm gjatë tre muajve të verës 2015 – në qershor, korrik e gusht.