Është vend i largët por në Malajzi me plot sukses po paraqiten dy shqiptarë, njëri si futbollist dhe tjetri si trajner.
Kështu në finalen e madhe të Kupës së Malajzisë, mesfushori fantastik i Përfaqësueses së Kosovës, Liridon Krasniqi me skuadrën e tij Kedah do të luaj në finale përballë trajnerit shqiptar nga Mali i Zi, Mehmet Duraku.
Krasniqi i cili është njëherit edhe më i paguari tek skuadra e tij dhe yll i padiskutueshëm i kampionatit pritet të jetë titullar në finalen që pritet t’i mbledhë rreth 100 mijë tifozë.
Ekipi i Liridonit, Kedah do të jetë përballë Selangor FA, skuadër që udhëhiqet nga trajneri shqiptar Mehmed Duraku.
Duraku që dy vite është pjesë e Selangor FA, ndërsa më parë ka qenë pjesë e Melbourne Victory në Australi.
Duraku si pjesë e Selangor FA kishte qenë edhe si futbollist ku kishte fituar tri Kupa të shtetit, ndërsa si trajner ka arritur dy herë pozitën e dytë dhe njëherë të tretën.
Ndërkohë Krasniqi ka një titull të kampionit me Kedah, ndërsa vitin e kaluar është zgjedhur në mesin e top 5 lojtarëve më të mirë në ligë.
Finalja e madhe e Malajzisë do të zhvillohet të shtunën nga ora 13:45.
Mehmet Duraku gjatë konferencës për shtyp me skuadrën e tij Selangor
Mehmet Duraku sa ishte pjesë e Melbourne Victory së bashku me ish-yllin e Liverpoolit, Harry Kewell
