Valencian mund ta konsideroni që tani të kualifikuar në 1/8 e Europa League. Skuadra e Gery Neville i bëri dhuratën më të bukur për ditëlindje trajnerit të saj duke shkatërruar 6-0 në Mestalla Rapidin e Vienës. 5 nga golat u shënuar që në 45 minutat e para me Valencian që thyen një rekord duke u bërë kështu e para skuadër që shënon 5 gola brenda pjesës së parë në Europa League. Ishte një ndeshje me një drejtim të vetëm sic tregon rezultati ku kishte vend vetëm për festivalin e golave të vendasve me Santi Mina që realizoi një dygolësh ndërsa tundën rrjetën e Rapidit edhe Daniel Parejo, Alvaro Negredo, Andre Gomes, dhe Rodrigo në pjesën e dytë për të kompletuar një rezultat tenistik që kualifikon praktikisht që tani Valencian në 1/8.
Lazio barazoi 1-1 në Stamboll përballë Galatasarayt në përballjen e parë të 1/16. Stefano Pioli kishte rikthyer mes shtyllave Marchetin duke lënë në stol Etrit Berishën që deri më tani ka qenë portieri i Kupave për Lazion me bardhekaltërit që pësuan pas vetëm 12 minutave me Sabri Sanoglu që se pati të vështirë të shënonte pas asistit të Donk. Skuadra italiane arriti të barazonte në të 21 me Milinkovic-Savic që mposhti ish portierin e Lazios, Muslera i cili aktualisht mbron ngjyrat e Galatasarayt. Ishte një mbrëmje që u mbyll pa fitore për skuadrat angleze me Liverpool që ngeci në barazim pa gola në fushën e Augsburgut me skuadrën gjermane që madje pati disa raste për ta fituar ndeshjen. Barazim pa gola edhe për Schalken që u nda me rrjeta të paprekura nga transferta me Shaktjar Donetsk që e ka të vështirë të gjejë golat e të larguarit Alex Texeira. Fitore minimale në Francë për Athletic Bilbaon që kthehet me avantazhin 1-0 nga përballja me Olimpikun e Marsejës falë golit të Arits Aduriz, ndërsa Bayer Leverkusen triumfoi me të njëjtin rezultat 0-1 në Portugali përballë Sportingut me ndeshjen që u vendos nga goli i Karim Bellarabit në pjesën e parë . E nis mbarë Sparta e Pragës edhe pse me një fitore minimale 1-0 ndaj Krasnodar të sigluar nga finalizimi i Lukas Julis në pjesën e dytë./ss/
