Policia e Kosovës e ka identifikuar personi që ishte parë në video xhirime duke lëvizur me veturën e tij ne sheshin “Nënë Tereza” në Prishtinë, natën e ndërrimit të moteve.
Ditë më parë është publikuar një video xhirim ku shihet një veturë e cila me shpejtësi të madhe lëvizë në sheshin “Nënë Tereza” në Prishtinë.
Ndërkohë që policia ka parë pamjet e tilla, menjëherë ka filluar punën për zbardhjen e rrethanave të kësaj ngjarjeje me fokus zbulimin e identitetit të ngasësit dhe identifikimin e veturës.
“Kësisoj më datë 12.01.2017 pas shumë veprimeve të ndërmarra, policia ka identifikuar veturën si dhe ngasësin e veturës. A. B, mashkull, 21 vjeç, shtetas i Republikës së Kosovës, ndaj të cilit menjëherë ka shqiptuar masën administrative të fletëparaqitjes për gjykatë, për veprimin kundërvajtës në trafik”, ka njoftuar Policia e Kosovës.
Më poshtë mund të gjeni nga ku janë publikuar pamjet:
