Gabriel Escobar
Emisari i Shteteve të Bashkuara të Amerikës për Ballkanin Perëndimor, Gabriel Escobar, e ka ritheksuar se Kosova është e obliguar që ta formojë Asociacionin e Komunave me Shumicë Serbe.
Në një intervistë online me gazetarë, ai ka deklaruar se dialogu i lehtësuar nga Bashkimi Evropian është duke u bërë për normalizim të marrëdhënieve ndërmjet Kosovës dhe Serbisë dhe jo për njohje të ndërsjellë, njofton Klan Kosova.
“Rajoni i Ballkanit Perëndimor është i rëndësisë së veçantë për Shtetet e Bashkuara të Amerikës. Ne do të bëjmë gjithçka që mundemi që të krijojmë marrëdhënie të mira ndërmjet vendeve të saj. Ne e mbështesim dialogun ndërmjet Kosovës dhe Serbisë”.
“Takimi që u zhvilluar të hënën në Bruksel ishte një hap i rëndësishëm. Tani hapi tjetër mbetet implementimi dhe ne duam t’i shohim të dyja palët të lëvizin përpara”.
“Dialogu nuk është për njohjen reciproke, por për normalizimin të marrëdhënieve. Vetëm pse ne e mbështesim këtë marrëveshje nuk do të thotë se nuk mendojmë se në të ardhmen të gjitha vendet e rajonit duhet ta njohin njëra-tjetrën”.
