Djali i presidentit Thaçi, Endriti kryetarin e Vetëvendosjes, Albin Kurtin nuk po e njeh si shqiptar por si malazez. Madje ia ka përmendur fshatin Vladimir sikur babai i tij para disa vjetëve.
Të paktën kështu ai ka shkruar në një postim në rrjetin social Instagram, ku ka reaguar ndaj një deklarate të Kurtit.
Kurti duke komentuar për dialogun Kosovë-Serbi, ka thënë se “ka mbetur vetëm që djali i Thaçit të martohet me vajzën e Vuçiqit”.
Një përgjigje të ashpër për Kurtin e ka pasur djali i tij, Endrit Thaçi.
Në rrjetin social Instagram ai ka shkruar se e “ka durimin ta pres çikën e Kurtit”.
Tutje familjen e Kurtit ai e ka cilësuar si “Kurtoviqi nga Vlladimiri”.
“E kuptoj që origjina nuk harrohet dhe nuk mund ta kuptoj gjuhën e familjes tuaj Kurtoviqi nga Vladimiri”, ka shkruar Endrit Thaçi.
